Bu ruletin xəmiri universal olduğundan onu istənilən içliklə etmək mümkündür. Məsələn almalı və darçınlı, qaymaqlı və qiləmeyvəli, qatlaşdırılmış südlü və ya bişirilmiş kremli içliklə.

Ərzaqlar

Xəmir

Yumurtanın ağı

8 Ədəd

Şəkər tozu

1,5 Stəkan

Un

1 Stəkan

Kakao

1 x.q

Vanil

10 q

Qabartma tozu

5 q

İçlik

Süd

1 stəkan

Şəkər tozu

1 Stəkan

Kakao

2 x.q

Un

1,5 x.q

Banan

1 Ədəd

8 yumurtanın ağını 1 stakan şəkər tozu ilə beze halınadək çalın. Çalınmış məhlul qatı olmalı, qaşıqdan axmamalıdır. 

Ələyə 1 stakan un, 2 x.q kakao, vanil və qabartma tozu  töküb bezenin üzərinə ələmək lazımdır. 

Xəmiri mikserlə astaca qarışdırmaq lazımdır. 

Soba listini perqamentlə örtüb, yağlamaq lazımdır. Xəmiri töküb 1-1,5 sm qalınlığında listin üzərində hamarlayın. 10 dəq ərzində 180 dərəcədə bişirin.

İçlik üçün 1 stakan südü kiçik qazançada isidin. Dərin boşqabda şəkər tozu, kakao və unu qarışdırın və qaynar südə əlavə edin. Tozu süd ilə qarışdırın və tam həll olunmasına nail olun. 5 -10 dəq ərzində dayanmadan qarışdıraraq qaynama həddinə çatdırın. Məhlul qatılaşandan sonra altını söndürün və soyudun.

Hazır korju sobadan çıxarıb isti-isti rulet formasında bükmək lazımdır ki, xəmir elastik qalsın.

Daha sonra onu yenidən açın və üzərinə şokoladlı pomadkanın  yarı hissəsini çəkin. Bananı nazik halqa şəklində doğrayıb korjun üzərinə düzün. Ruleti yenidən astaca bükün. Qalan pomadkanı ruletin üzərinə çəkin və doğranılmış qozla bəzəyin.